Treftadaeth Cymru

Fferm Wynt Llidiart-y-waen, Llandinam. 2001. (Image: DI2006_0497 / NPRN: 306320) Castell Llanddingad. Bras-gynllun mewn pensil lliw (1963) o dudalen 1034 o gasgliad llyfrau nodiadau R.E. Kay. 1965. (Image: DI2006_0431 / NPRN: 306496 / Source: R.E. Kay)

Ar ôl dwy gyfres hynod lwyddiannus sydd wedi dilyn gwaith ymchwil y Comisiwn Brenhinol ers 2008, man cychwyn y drydedd gyfres o Hidden Histories yw dirgelwch gorlif Gwent ym 1607. Bydd y rhaglenni eraill yn mentro i bob cwr o Gymru ac yn rhoi sylw i bopeth – o gelfyddyd gynhanesyddol ar greigiau ymlaen i atomfa.

Eddie Butler a Heledd Fychan sy’n cyflwyno’r gyfres. Fe ymchwilian nhw i dreftadaeth Cymru ochr yn ochr ag wynebau cyfarwydd o’r Comisiwn Brenhinol a’r archaeolegwyr, yr haneswyr a’r bobl leol sy’n gweithio  gyda nhw ar hyd y daith.

Yn y Canllawiau i’r Penodau cewch chi lawer iawn o wybodaeth am y safleoedd sy’n cael sylw yn y gyfres. Cewch chi hefyd chwilio am bob math o drysorau cudd Cymru ar y gronfa ddata ar-lein Coflein.

Gallwch chi ddarllen am waith y Comisiwn Brenhinol yn y llyfr Trysorau Cudd.